სკოლის მიზანია

აკადემიური, სინდისის და არჩევანის თავისუფლების პრინციპებზე დაყრდნობით და სამართლის დარგში აღიარებული, მაღალკვალიფიციური პროფესორების მონაწილეობით

• განავითაროს, მართოს და განახორციელოს საბაკალავრო, სამაგისტრო, სადოქტორო და სასერტიფიკატო პროგრამები/კურსები;
• უახლესი იურიდიული განათლების სამივე საფეხურზე (ბაკალავრიატი, მაგისტრატურა, დოქტორანტურა) უზრუნველყოს მაღალი დონის სპეციალისტის მომზადება, რაც გულისხმობს სტუდენტების, როგორც თეორიულ-პრაქტიკული ინფორმაციით (ცოდნით) აღჭურვას, ისე სამეცნიერო-კვლევითი უნარ-ჩვევების შესწავლა/გამომუშავებას, უმაღლესი იურიდიული განათლების თითოეული საფეხურისათვის დადგენილი ეროვნული და საერთაშორისო სტანდარტების შესაბამისად.

  სკოლა მიზნის მისაღწევად

• ქმნის და სრულყოფს სტუდენტებისთვის სწავლის, კვლევისა და თვითგანვითარებისთვის მაქსიმალურად მიმზიდველ გარემოს;
• უზრუნველყოფს მაღალი ხარისხის განათლებას სამართლის სფეროში სწავლების ბაკალავრიატის, მაგისტრატურის და დოქტორანტურის საფეხურებზე საქართველოში მოქმედი კანონმდებლობის შესაბამისად;
• თანამედროვე აქტიური სწავლების ყველა მეთოდის გამოყენებითა და ინოვაციური და პროდუქტიული კურიკულუმების განვითარების გზით ამკვიდრებს ახალ ფასეულობებს სამართლის სწავლების მიმართულებით უმაღლესი განათლების სფეროში;
• მონაწილეობს და თავად ქმნის სხვადასხვა საერთაშორისო პროექტს საზღვარგარეთის უმაღლეს სასწავლებლებთან ერთად. ასევე, საქართველოს კანონმდებლობით დადგენილი წესის შესაბამისად უზრუნველყოფს აკადემიური, ადმინისტრაციული პერსონალისა და სტუდენტების ადგილობრივ და საერთაშორისო მობილობას;
• უნივერსიტეტის წესდების შესაბამისად ინიცირებას უკეთებს და ახორციელებს სამეცნიერო-კვლევით პროექტებს სათანადო სამეცნიერო დისციპლინებში;
• ხელს უწყობს სტუდენტთა აქტიურ მონაწილეობას სკოლის მართვასა და სამეცნიერო პროექტების განხორციელებაში;
• ატარებს სამეცნიერო კონფერენციებს, სემინარებს, საჯარო ლექციებს, ასევე სხვა ღონისძიებებს, სადაც დაინტერესებულ საზოგადოებას აცნობს განხორციელებული სამეცნიერო კვლევ(ებ)ის შედეგებს;
• გამოსცემს სამეცნიერო პუბლიკაციებს და აკადემიურ პერიოდიკას;
• ამყარებს კავშირებს საქართველოს და სხვა ქვეყნების წამყვან სასწავლო დაწესებულებებთან, აკადემიურ ცენტრებსა ან/და სხვა ორგანიზაციებთან, როგორც ერთჯერადი პროექტების, ისე გრძელვადიანი სასწავლო და სამეცნიერო-კვლევითი პროგრამების განსახორციელებლად;
• ხელს უწყობს და უზრუნველყოფს სკოლის პერსონალის პროფესიულ განვითარებას.

საკონტაქტო ინფორმაცია:

თბილისი, ი. ჭავჭავაძის გამზ. N 32
ტელ: 995 32 222 00 09 (301)
ელფოსტა: lawfaculty@iliauni.edu.ge